Një ngjarje e pazakontë ka goditur ekipin e Dinamo B, duke shkaktuar habi në opinionin sportiv shqiptar.
Komisioni i Disiplinës dhe Etikës ka vendosur të ndëshkojë kryeqytetasit me humbje në tavolinë për ndeshjen ndaj Bulqizës, e zhvilluar më 14 mars, për shkak të një shkeljeje teknike të rregullores së zëvendësimeve.
Edhe pse sfida në fushë u mbyll në barazim 2-2, stafi teknik i drejtuar nga Renaldo Kalari ka kryer ndërrime në katër ndalesa të ndryshme gjatë lojës, ndërkohë që rregullorja e IFAB (Law 3) lejon vetëm tre ndalesa (përjashtuar pushimin mes pjesëve).
Ky gabim trashanik i ka kushtuar Dinamos jo vetëm pikët e marra në fushë, por edhe një gjobë prej 100.000 lekësh.
Një mësim i hidhur për “Blutë”, që dëshmon se detajet e rregullores janë po aq të rëndësishme sa performanca në fushë.
Vendimi i Disiplinës:
“FC Dinamo, për shkelje të rregullores së lojës sipas IFAB (Laë 3 – Lojtarët), duke kaluar limitin prej 3 (tre) ndalesash për zëvendësimet, në bazë të neneve 6/3/j dhe 8/1të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0 kundër KF Bulqiza.
