Partizani mposhti pastër 3-0 Laçin në miqësoren e zhvilluar gjatë ndërprerjes së kampionatit. Trajneri Oltijon Kërnaja shfrytëzoi këtë mundësi për të provuar elementë të rinj dhe lojtarë që kanë pasur më pak hapësira në Superiore, duke marrë përgjigje mjaft pozitive nga grupi.
Seria e golave nisi në pjesën e parë me Albers Kekon, i cili gjeti rrugën e rrjetës duke dërguar ekipin në avantazh në dhomat e zhveshjes.
Në pjesën e dytë, dominimi i kryeqytetasve u vulos nga Sidibe në minutën e 75-të, ndërsa talenti Gudjufi mbylli llogaritë në të 85-tën.
Ky test shërbeu si një “nxehje” perfekte për Partizanin, që javën e ardhshme do të udhëtojë drejt Shkodrës për t’u përballur me Vllazninë në një sfidë delikate për javën e 30-të të kampionatit.
