Bylis ka njoftuar zyrtarisht afrimin e portierit të kombëtares së Letonisë, Roberts Ozols.
30-vjeçari vjen te ballshiotët si një përforcim i rëndësishëm në fundin e merkatos, pas largimit të Vashu dhe dëmtimit të Gurua.
Ozols ka një karrierë të pasur në shtetin e tij, ku ka luajtur për klube si Riga, Daugava, Liepaja dhe Auda, ndërsa kjo do të jetë eksperienca e tij e dytë jashtë vendlindjes pas asaj në Uzbekistan.
Portieri ishte pjesë e Letonisë në kualifikueset e Botërorit 2026, në grupin ku bënte pjesë edhe Shqipëria, madje duke qenë i pranishëm në stol në sfidën ndaj Anglisë rreth një vit më parë.
Klubi mallakastriot pret që eksperienca e ndërkombëtare e Ozols ta kthejë atë në një pikë të fortë për mbrojtjen e katërkëndorit në vazhdimësinë e sezonit në Superiore.
