Bylisi ka njoftuar zyrtarizimin e tre futbollistëve të rinj me synimin për të siguruar mbijetesën në Superiore.
Ballshiotët kanë përforcuar portën me Roberts Ozols, portierin e kombëtares së Letonisë, i cili vjen si një garanci pas largimit të Vashu-s dhe dëmtimit të Gurua-s.
Për mbrojtjen është përzgjedhur Dime Dimov, ndërsa reparti ofensiv i është besuar francezit Jacques Fokam. Ky i fundit, 24 vjeç, shihet si pasuesi i Mustapha-s dhe pritet të jetë pika referuese e sulmit.
Skuadra e drejtuar nga Mirel Josa po kalon një periudhë të vështirë, pa asnjë fitore në 5 ndeshjet e fundit, duke u pozicionuar në vendin e 8-të me 20 pikë, brenda zonës që rrezikon rënien nga kategoria.
