Mirlind Daku ka vazhduar formën e mirë edhe në javën e dytë të kampionatit rus, duke shënuar për Rubin Kazan ndaj Akron Togliatti.
Sulmuesi i Kombëtares shqiptare realizoi në minutën e 19-të, duke çuar rezultatin në 0-2 për skuadrën e tij. Ky ishte goli i dytë radhazi për Dakun, pasi kishte gjetur rrjetën edhe në javën e parë ndaj Krasnodarit.
Fillimi i sezonit konfirmon momentin pozitiv të 28-vjeçarit, i cili duket se ka lënë pas problemet fizike. Ndërkohë, interesi për të në merkato mbetet i lartë.
Sipas raportimeve, Spartaku i Moskës është gati të paguajë klauzolën e largimit prej 11 milionë eurosh për kartonin e sulmuesit. E ardhmja e Dakut mbetet e hapur, por ai vazhdon të jetë vendimtar për Rubin Kazan me paraqitjet dhe golat e tij.
