Jasir Asani vazhdon paraqitjet pozitive me fanellën e Esteghlal-it në kampionatin iranian të futbollit.
Pas asistit të dhënë javën e kaluar, sulmuesi i Kombëtares shqiptare ka gjetur edhe golin e tij të parë për këtë edicion.
Realizimi erdhi gjatë përballjes së javës së tretë, ku Esteghlal luante në shtëpi kundër skuadrës së Sepahan-it.
29-vjeçari zhbllokoi sfidën që në minutën e 4-t me një goditje tokazi nga jashtë zonës. Gjuajtja e saktë me të majtën nuk i la asnjë mundësi reagimi portierit kundërshtar.
Asani konfirmon formën e shkëlqyer dhe duket se është përshtatur shumë mirë në kampionatin iranian, aty ku sezonin e kaluar spikati me golat dhe asistet e tij.
