Klubi i Tiranës është vendosur në një garë të ethshme me kohën për të arritur zhbllokimin e merkatos përpara fillimit të kampionatit.
Sipas raportimeve të fundit, drejtuesit bardheblu kanë arritur të mbyllin përfundimisht çështjen financiare të 28 shkurtit, por në zyrat e klubit mbeten ende pesë raste të tjera pezull që kërkojnë zgjidhje të menjëhershme.
Mbyllja e këtyre detyrimeve është e domosdoshme për të regjistruar blerjet e reja dhe për t’i dhënë trajnerit një organikë të plotë e konkurruese.
Me startin e edicionit të ri futbollistik prag dera, zgjidhja e problematikave ligjore dhe financiare përbën prioritetin kryesor të kryeqytetasve, pasi çdo vonesë do ta çonte skuadrën drejt një situate kaotike në fushën e lojës.
