Vllaznia për femra do të përballet me një kundërshtar të fortë në Europa Cup, pasi shorti e ka vendosur përballë Interit.
Ky duel vjen pasi skuadra shkodrane u rendit mes 32 ekipeve më të mira të turneut. Interi është nënkampion i Serisë A dhe, ashtu si Vllaznia, u transferua nga Liga e Kampioneve në këtë kompeticion.
Ndeshja e parë është planifikuar të zhvillohet më 7 ose 8 tetor në Itali. Takimi i kthimit do të luhet më 15 ose 16 tetor në Shqipëri.
Kalendari i përgatitur nga UEFA parashikon që vajzat shkodrane të kenë mundësinë të luajnë përpara tifozëve të tyre në sfidën e dytë.
