Egnatia ka mësuar kundërshtarin e saj për turin e parë kualifikues të Champions League, ku shorti i hedhur në Nion të Zvicrës i ka vendosur kampionët e Shqipërisë përballë skuadrës moldave, FC Petrocub.
Ky short konsiderohet i favorshëm për rrogozhinasit, pasi ekipi moldav shihej si rivali më i kalueshëm në letër nga emrat e kundërshtarëve të mundshëm.
Ndonëse Petrocub ka një histori europiane ku edicionin e shkuar luajti në grupet e Conference League dhe numëron dy tituj kampionë e dy kupa në Moldavi, diferencat me Egnatian nuk janë të mëdha.
Për më tepër, vlera e merkatos anon dukshëm nga shqiptarët, ku sipas “Transfermarkt”, Egnatia vlerësohet në 6.23 milionë euro karshi 4.76 milionë eurove të moldavëve.
Ndërkohë, fatin e saj në Europë ka mësuar edhe Drita, ku kampionia e Kosovës do të masë forcat me lituanezët e Kauno Zalgiris.
