Mesfushori Karim Loukili ka konfirmuar zyrtarisht ndarjen me skuadrën e Elbasanit, duke mbyllur rrugëtimin e tij me këtë klub.
Përmes një mesazhi falënderues drejtuar tifozerisë elbasanase, lojtari shprehu mirënjohjen për mbështetjen e marrë gjatë periudhës që mbajti veshur fanellën e tyre.
Pas këtij largimi, destinacioni i tij i radhës pritet të jetë Egnatia, me palët që janë shumë pranë marrëveshjes finale.
Ndërkohë, kampionët në fuqi të Egnatias ndodhen aktualisht në Bullgari, ku nën drejtimin e trajnerit Nevil Dede po kryejnë fazën intensive përgatitore për sfidat e turit të parë në Ligën e Kampioneve.
