Federata Shqiptare e Futbollit u ka paraqitur klubeve të “Abissnet Superiore” një propozim zyrtar për ndryshimin e skemës së kampionatit, duke vendosur heqjen e sistemit “Final Four”.
Sipas formatit të ri, kampionati do të zhvillohet me tre faza të rregullta, pas të cilave pikët e grumbulluara nga skuadrat do të përgjysmohen.
Më pas, ekipet do të ndahen në dy grupe: gjashtë të parat do të garojnë me sistem vajtje-ardhje për titullin kampion, ndërsa katër skuadrat e fundit (nga vendi i 7-të deri tek i 10-të) do të luajnë për mbijetesën me një sistem prej tri fazash shtesë.
Sipas këtij propozimi, skuadra e fundit do të bjerë direkt nga kategoria, ndërsa tri të tjerat do të sfidohen në fazën “play-off”.
