Kosova ka shkruar historinë, duke u kualifikuar për herë të parë në “play off” të Botërorit.
“Dardanët” triumfuan 2-0 në transfertë ndaj Sllovenisë, për të blinduar vendin e dytë me 10 pikë.
Vendosi goli i Fisnik Asllanit në pjesën e parë dhe një autogol në pjesën e dytë.
Ndeshjen e fundit, Kosova do e luajë ndaj Zvicrës, e cila ndodhet në vendin e parë me 13 pikë. Për shkak të golavarazhit shumë të mirë të helvetëve, “dardanët” duket se e kanë të pamundur të marrin kryesimin.
Pas Shqipërisë, tashmë edhe Kosva shkruan historinë duke u kualifikuar në “play off” për Botërorin.
/Cna
