Harry Kane dhe Kylian Mbappé kryesojnë garën për “Këpucën e Artë” europiane me nga 44 pikë secili, pas shënimit të 22 golave në kampionatet përkatëse.
Erling Haaland ndjek dyshen kryesuese në vendin e tretë me 40 pikë, ndërsa surpriza e listës është Vedat Muriqi i Mallorca-s që renditet në top-5. Lautaro Martinez i Serisë A ka bërë progres duke u ngjitur në vendin e 13-të me 26 pikë pas golit të fundit.
Sistemi i pikëzimit vlerëson me koeficientin 2 golat në pesë ligat kryesore europiane, ku bëjnë pjesë Anglia, Italia, Spanja, Gjermania dhe Franca.
Për kampionatet e renditura më poshtë, koeficienti ulet në 1.5 ose 1 pikë për gol. Gara mbetet e hapur me sulmuesit që po mbajnë një ritëm mbresëlënës shënimi. Renditja aktuale reflekton dominimin e sulmuesve të Bayern Munich dhe Real Madrid në kontinent.
Top-5 aktuale e Këpucës së Artë:
Harry Kane (Bayern Munich) – 44 pikë
Kylian Mbappé (Real Madrid) – 44 pikë
Erling Haaland (Manchester City) – 40 pikë
Igor Thiago (Brentford) – 32 pikë
Vedat Muriqi (Mallorca) – 30 pikë
