Mbrojtësi i Egnatias, Eljon Sota, pritet të jetë largimi i radhës nga radhët e kampionëve gjatë kësaj merkatoje dimërore.
Ish-lojtari i Partizanit po tërheq vëmendjen e klubeve jashtë Shqipërisë, konkretisht nga kampionati qipriot. Sipas raportimeve të fundit, klubi Olympiakos Nicosia ka shprehur interes të veçantë për 27-vjeçarin.
Gjatë këtij sezoni, Sota është aktivizuar në 22 ndeshje me Egnatian, duke regjistruar gjithsej 1,721 minuta lojë si titullar. Mbrojtësi ka një kontratë të vlefshme me Egnatian deri në qershor të vitit 2027.
Vlera e tij në treg, sipas faqes së specializuar “Transfermarkt”, vlerësohet aktualisht rreth 350 mijë euro.
Nëse ky transferim konkretizohet, Sota do të niste një eksperiencë të re në ligën e parë të Qipros. Egnatia pritet të shqyrtojë ofertën për mbrojtësin që iu bashkua ekipit vetëm një vit më parë.
