Ndeshja mes Elbasanit dhe Flamurtarit në stadiumin “Elbasan Arena” u shoqërua me momente tensioni mes forcave të rendit dhe tifozëve vendas.
Incidentet nisën pak përpara fillimit të pjesës së dytë, duke krijuar panik në tribunën ballore të stadiumit.
Pamjet treguan konfrontime fizike dhe dëmtime të stolave në sektorët ku ndodheshin mbështetësit. Megjithatë, ndërhyrja e forcave të policisë bëri që qetësia të rikthehej shpejt në ambientet e stadiumit.
Pas stabilizimit të situatës, arbitri dha shenjë që takimi të vijonte normalisht. Për sa i përket lojës, pjesa e parë e sfidës u mbyll me rezultatin e barabartë 0-0.
