“Kaos” me Tirana-Elbasani, stadiumi dhe ora ndryshohen dy herë brenda ditës

Ora dhe vendi i ndeshjes mes Tiranës dhe Elbasanit duket se është kthyer në një “telenovelë” pasi në orët e fundit ka ndryshuar përsëri gjithçka.

Fillimisht ishte caktuar “Air Albania”, por paraditen e sotme u mësua se ky takim ishte ndryshuar për tu luajtur të martën në “Selman Stërmasi” në orën 14:00. Por tani ka ndryshuar përsëri gjithçka përveç ditës, e cila mbetet ajo e datës 28 tetor.

Sa i përket vendit dhe stadiumit Federata Shqiptare e Futbollit ka bërë me dije se kjo ndeshje do të luhet nesër në “Air Albania” në orën 19:30.