Nga kombëtarja te Juventusi, ja kush pritet të marrë drejtimin e “Zonjës”

Juventusi njoftoi shkarkimin e trajnerit Igor Tudor, pas tetë ndeshjeve pa fitore. Humbja e fundit ndaj Lazios, ishte e treta radhazi, e cila vulosi largimin e kroatit.

Te Juventusi kanë nisur nga puna për zgjedhjen e një trajneri të ri. Qëllimi i drejtuesve është që të emërojnë një italian në stol, me Luciano Spallettin, që për momentin ndodhet në krye të listës. Pas largimit nga kombëtarja e Italisë, Spalletti përgatit rikthimin në stol.

Po ashtu, alternativa janë edhe Roberto Mancini me Raffaele Palladino. Drejtori Comolli, po ndjek edhe profile nga jashtë Italisë, ku përmenden emra si Terzic, Rose, Xavi dhe Southgate.

Në ditët e fundit, është përfolur për një rikthim të Thiago Mottës, i cili ka kontratë me bardhezinjtë deri në vitin 2027, por për momentin nga Italia e përjashtojnë këtë mundësi.