Medon Berisha ka tërhequr vëmendjen me paraqitjet e tij të fundit te Lecce. Ai spikati fillimisht në Kupën e Italisë ndaj Milanit, ku mbajti edhe shiritin e kapitenit.
Në ndeshjen e kampionatit kundër Bolognas, Berisha dha një asist vendimtar në minutat e fundit për barazimin 2-2.
Për performancën e tij, mesfushori shqiptar u vlerësua me notën 7.8 nga “Sofascore” dhe u përfshi në formacionin ideal të javës në Serie A. Pavarësisht formës së mirë, Berisha ka pësuar një dëmtim në kavilje dhe nuk është bashkuar me stërvitjen e grupit.
Mediat pranë Lecce raportojnë se ai do të mungojë në ndeshjen e fundjavës kundër Parmës. Ende nuk është përcaktuar koha e rikuperimit të tij. Kjo situatë e vë në dyshim praninë e Berishës me Kombëtaren shqiptare për ndeshjet e muajit tetor.
