Vllaznia nuk paraqitet më në të njëjtin nivel si në fazën e parë të kampionatit. Krahasuar me ndeshjet e para të sezonit, skuadra ka pësuar rënie në lojë dhe rezultate.
Në fazën e parë, Vllaznia dominoi shumicën e takimeve si në rezultat ashtu edhe në zhvillimin e lojës, me përjashtim të disa ndeshjeve specifike. Aktualisht, ekipi nuk shfaq të njëjtën organizim dhe intensitet në fushë. Loja kolektive dhe efektiviteti individual nuk janë në nivelin e mëparshëm.
Sipas gazetarit Maringlen Zhivani, në klub ka probleme financiare, ku vetë lojtarët kanë pesimizëm të madh.
Vllaznia ka gjithashtu merkaton e bllokuar për shkak të çështjeve të hapura në FIFA, të trashëguara nga sezoni i kaluar. Këto probleme kanë kufizuar mundësitë për përforcime. Në aspektin komunikues, klubi ka reduktuar daljet publike para ndeshjeve. Kjo ndryshon nga praktika e fazës së parë, ku konferencat për shtyp zhvilloheshin rregullisht.
