Arda Kurtulan po kalon një moment të artë në Superligën e Turqisë, aty ku është pjesë e Goztepe.
I aktivizuar si mbrojtës i djathtë, 23-vjeccari realizoi dopietë në shtëpi ndaj Samsunspor, duke i dhënë fitoren 2-0 skuadrës së tij.
Në minutën e 23-të, Kurtulan zhbllokoi takimin, pas një topi të marrë në zonë, ndërsa në të 68-ën dyfishoi shifrat me një kundërsulm të shpejtë.
Kurtulan ka qenë pjesë e Shqipërisë U-21, ku ka zhvilluar 11 ndeshje dhe ka shënuar një gol. Mbetet të shihet nëse do të jetë pjesë e Kombëtares shqiptare A, ku aktualisht për krahun e djathtë të mbrojtjes preferohen Hysaj dhe Balliu.
