Gjykata Sportive në Itali ka zbuluar vendimet disiplinore pas incidenteve të ndodhura në përfundim të ndeshjes Inter-Juventus.
Administratori i deleguar i bardhezinjve, Damien Comolli, është pezulluar deri më 31 mars 2025 dhe është gjobitur me 15,000 euro për sjellje agresive ndaj arbitrit. Sipas raportit zyrtar të gjyqtarit Gerardo Mastrandrea, Comolli tentoi kontaktin fizik dhe përdori fjalë fyese ndaj kryesorit në tunelin e dhomave të zhveshjes.
Edhe Giorgio Chiellini është dënuar me pezullim deri më 27 shkurt 2026 për protesta të vazhdueshme dhe kritika ofenduese ndaj zyrtarëve të ndeshjes. Sa i përket lojtarëve, mbrojtësi Pierre Kalulu është pezulluar me një ndeshje pas ndëshkimit me karton të kuq.
Nga ana tjetër, mbrojtësi i Interit, Alessandro Bastoni, ka shpëtuar pa asnjë sanksion disiplinor pavarësisht pretendimeve për simulim. Gjykata Sportive vlerësoi se nuk kishte elemente të mjaftueshme për të dënuar lojtarin zikaltër për sjellje josportive.
Këto vendime vijnë në një moment tensioni të lartë mes dy klubeve pas një prej ndeshjeve më të diskutuara të sezonit.
