Klubi i Flamurtarit ka gjetur trajnerin e ri të cilit do t’i besojë stolin për sezonin e ardhshëm, me synimin e vetëm rikthimin e menjëhershëm në Superligë.
Sipas “Futbolli në Shqipëri”, drejtuesit vlonjatë kanë arritur marrëveshjen me trajnerin Oltijon Kernaja dhe palët presin vetëm hedhjen e firmës mbi kontratë.
37-vjeçari nga Tropoja vjen pas një eksperience pozitive në krye të Partizanit, skuadër të cilën e mori në javën e shtatë në një situatë kritike me vetëm 4 pikë dhe arriti ta ngrinte në klasifikim duke e futur në zonën europiane.
Paraqitjet e mira të Kernajës kishin zgjuar interesin edhe të klubit të Laçit, ku ai ka punuar më parë si zëvendëstrajner.
