Komuniteti i futbollit shqiptar është tronditur nga lajmi i ndarjes së parakohshme nga jeta të futbollistit të talentuar nga Kosova, Bajram Rragamaj.
Lajmi i hidhur është konfirmuar nga vetë klubi i KF Dukagjinit përmes një komunikate zyrtare në faqen e tyre. Drejtuesit e klubit dhe stafi teknik e kanë vlerësuar lart figurën e të ndjerit, duke theksuar përkushtimin, dashurinë dhe kontributin e madh që ai dha për ngjyrat e skuadrës.
Largimi i tij nga jeta në moshën 24-vjeçare konsiderohet si një zbrazëti e madhe jo vetëm për familjen e tij, por për të gjithë miqtë dhe komunitetin sportiv që bashkëpunoi me të.
Në mesazhin e tyre, e gjithë familja e madhe e KF Dukagjinit i ka shprehur ngushëllimet më të ndjera dhe të sinqerta familjes Rragamaj për këtë humbje të rëndë.
