Vora vazhdon lëvizjet në merkato, duke shitur një tjetër futbollist në kampionatin ukrainas pas mbylljes së sezonit.
Mbrojtësi i qendrës, Serjan Repaj, pritet të zyrtarizohet së shpejti si lojtari më i ri i skuadrës Episentr, pas arritjes së marrëveshjes financiare mes klubeve, raporton Superliga.
Futbollisti 25-vjeçar shkodran shënoi një ecuri të rregullt gjatë këtij edicioni, duke u aktivizuar në gjithsej 33 ndeshje zyrtare në kampionat.
Ky largim vjen pak kohë pas shitjes së një tjetër elementi të rëndësishëm të skuadrës, sulmuesit Irgi Kasalla, i cili gjithashtu u transferua në Ukrainë. Pasi siguruan qëndrimin në kategori përmes rezultateve të marra, drejtuesit kanë nisur punën për rindërtimin e organikës për vitin e ardhshëm.
Përfitimet nga këto operacione tregtare do të përdoren për të përforcuar pozicionet e mbetura bosh në formacion.
