Teuta ka zyrtarizuar emërimin e Edlir Tetovës në postin e trajnerit të ri të skuadrës për edicionin e ardhshëm.
Tekniku 43-vjeçar rikthehet në ambientin durrsak, aty ku në të kaluarën ka debutuar edhe si futbollist profesionist.
Tetova vjen pas një periudhe suksesi në krye të pankinës së Egnatias, skuadër me të cilën arriti të fitonte dy herë titullin kampion, dy Kupa të Shqipërisë dhe një Superkupë.
Gjatë sezonit të fundit, Teuta kaloi një fazë të vështirë sportive, duke siguruar qëndrimin në elitë vetëm nëpërmjet “play out”.
Tashmë, me emërimin e stafit të ri teknik, drejtuesit synojnë të ndryshojnë ecurinë e rezultateve për sezonin e ri.
/Cna
