Nuk prodhuan fitues dy ndeshjet e Superiores, të vlefshme për javën e parë.
Elbasani barazoi 1-1 ndaj Laçit në transfertë, në një ndeshje shumë të luftuar. Pas pjesës së parë të mbyllur pa gola, e dyta ishte tjetër histori.
Elbasani gjeti avantazhin në minjtën e 56-të, falë golit të shënuar nga Rubin Hebaj me penallti. Laçi nuk u dorëzua dhe gjeti barazimin me një supergol.
Në minutën e 85-të, Cena i mahniti të gjithë me një gjuajtje nga jashtë zone, e cila u ndal në fundin e rrjetës.
Rezultati nuk ndryshoi deri në fund, pavarësisht një tranverse te kurbinasve dhe ekipet u detyruan të ndajnë nga një pikë mes tyre.
KLIKO KETU: RENDITJA E KATEGORISË SUPERIORE
Nuk prodhoi fitues as dueli mes Partizanit dhe Teutës, sfidë e cila u mbyll në barazim pa gola. Durrsakët kishin disa raste të mira, si ai i pjesës së parë, ku Sherif Kallaku gaboi nga penalltia. Gjuajtja e fantazistit u përplas në shtyllë.
Në fund të pjesës së parë, Partizani mbeti me 10 lojtarë, pasi Human u ndëshkua me të kuq për gjest antisportiv.
Bregdetarët nuk e shfrytëzuan dot superioritetin numerik, kjo edhe për shkak të pritjeve të shkëlqyera nga Qirko.
