Partizani duhet të gjejë pasuesin pas largimit të Florin Bratu. Raportohet se të kuqtë po negociojnë me trajner nga Kroacia, ndërsa emrat e tjerë që kanë qarkulluar deri tani mund të jenë vetëofrime dhe rekomandime.
Humbja në derbi rezultoi fatale për të kuqtë. Deri tani janë 4 pikë në gjashtë javë dhe vetëm vendi i parafundit.
Të kuqtë janë në garë me kohën. Nëse Bratu do të largohej para derbit me Tiranën, pushimi për shkak të kombëtareve do të jepte hapësirë për të qenë të kujdesshëm.
Koha është armiku kryesor, teksa sfida me Vorën është rezervuar më 18 tetor. Provizorisht për ekipin e parë të Partizanit janë disa emra që mund të kontribuojnë si Alfred Deliallisi, Genc Tomori dhe Fatjon Muhameti. Ky i fundit po angazhohet edhe ekipin U-19 në UEFA Youth League.
