Pas fitores historike ndaj Serbisë në transfertë, Shqipëria ka mbyllur një tjetër ndeshje pozitive, këtë herë ndaj Jordanisë me rezultatin 4-2.
Në Grupin K, situata është bërë delikate mes tre ekipeve kryesore: Anglia, Shqipëria dhe Serbia. Pas fitores 5-0 ndaj Letonisë, Anglia është kualifikuar matematikisht, duke siguruar vendin e parë në grup.
Shqipëria ndodhet në vendin e dytë me 11 pikë, e ndjekur nga Serbia me 10 pikë. Ndeshja e Serbisë ndaj Andorrës përfundoi 3-1, pas një pjese të parë të barabartë dhe me emocione.
Me këtë rezultat, Serbia përmirësoi golavarazhin në 7-7, ndërsa Shqipëria ka 6-3. Rregullorja e re nuk merr më në konsideratë ndeshjet direkte, por diferencën e golave, çka e bën situatën më të ndërlikuar.
Ndeshja e ardhshme e Shqipërisë është kundër Andorrës, ku fitorja është e domosdoshme për të ruajtur pozitat në renditje. Nëse Anglia barazon me Serbinë, gjithçka do të vendoset nga golavarazhi, ndaj kuqezinjtë duhet të fitojnë sa më thellë.
Nëse Anglia mposht Serbinë dhe Shqipëria fiton në Andorrë, kualifikimi bëhet automatik. Megjithatë, një fitore e Serbisë ndaj Anglisë do të komplikonte llogaritë, duke e bërë ndeshjen e fundit në “Air Albania” ndaj Anglisë, vendimtare për fatin e Kombëtares shqiptare.
