Marash Kumbulla do të transferohet në Spanjë, ku do të firmosë me Mallorcan. Mbrojtësi i Kombëtares shqiptare do të luajë këtë sezon në La Liga, pas eksperiencës së kaluar tek Espanyol.
Klubi spanjoll ka vendosur të përforcojë mbrojtjen me huazimin e tij nga Roma. Marrëveshja përfshin një opsion blerjeje përfundimtare prej 6 milionë eurosh, me 2 milionë të tjera si bonuse.
Negociatat u finalizuan pasi u përcaktuan detaje të veçanta për rrogën e futbollistit. Mallorca do të mbulojë pjesën më të madhe të pagës së Kumbullës, ndërsa pjesa tjetër do të paguhet nga Roma.
Nëse Mallorca arrin mbijetesën dhe futbollisti aktivizohet sipas kushteve të kontratës, atëherë klubi spanjoll do të marrë përsipër pagesën e plotë të rrogës. Ky transferim i jep Kumbullës një mundësi të re për t’u aktivizuar rregullisht në futbollin spanjoll.
