Apolonia dhe Lushnja kanë rënë zyrtarisht në Kategorinë e Dytë. Dy ekipet me emër në futbollin shqiptar, kanë prekur fundin.
Në javën e fundit të Kategorisë së Parë, Lushnja dhe Apolonia pësuan humbje të thella, duke mbajtur dy vendet e fundit.
Fierakët barazuan 4-4 ndaj Burrelit dhe e mbyllin kampionatin në vendin e 11-të, me 28 pikë. Lushnja u rendit e fundit me 26 pikë, pas humbjes 4-1 ndaj Kastriotit.
SHIKONI KLASIFIKIMIN: RENDITJA NË KATEGORINË E PARË
Luftëtari dhe Kukësi shmangën rënien direkte dhe do kërkojnë qëndrimin nëpërmjet “play out”. Gjirokastritët triumfuan 3-0 ndaj Pogradecit dhe u renditën në vendin e nëntë me 34 pikë. Kukësi fitoi 2-1 ndaj Besës dhe mban vendin e 10-të me 31 pikë.
Në “play off” për ngjitjen në Superiore, janë kualifikuar Pogradeci, Iliria, Besa dhe Kastrioti. Po ashtu, Skënderbeu dhe Laçi siguruan ngjitjen direkte dhe do të luajnë të hënën mes tyre, për titullin kampion.
