Ditën e nesërme, ekipi i Burnley do të zbresë në fushë, teksa do të përballet me Manchester United në “Old Trafford”. Scott Parker në pozitën e “timonierit” të Burnley, ka folur në lidhje me këtë ndeshje:
“Duhet të kuptojmë se do të luajmë kundër një prej ekipeve më të forta në botë. Manchesteri ka cilësi të jashtëzakoshme në ekip, nëse i referohemi në individualite. Mjafton të shikosh sulmin e tyre. Megjithatë, ne shkojmë atje me synimin e qartë, të paraqesim nivelin më të lartë.
United e krahasoj me një “kafshë” të plagosur dhe me lojtarë të klasit botëror që padyshim mund të reagojnë. Le të mos shqetësohemi se çfarë po bëjnë të tjerët, por të mendojmë pë planet tona. Pra, fokusi ynë i vetëm është vetvetja dhe ajo që duhte të sjellim”, e mbylli trajneri Parker.
Mediat pranë Burnley theksojnë se nuk pritet që Armando Broja ta nis nga minuta e parë karshi Manchesterit, por do të jetë gati si zëvendësues. Deri tani, sulmuesi shqiptar nuk e ka bërë ende debutimin me ekipin e ri në Premier League.
