Numri i ekipeve të kualifikuara për Botërorin 2026 ka arritur në 42, ndërsa gjashtë vende ende presin verdiktin përfundimtar.
Kuraçao është surpriza më e madhe, pasi u kualifikua për herë të parë pas barazimit 0-0 me Xhamajkën dhe u bë shteti me popullsinë më të vogël që merr pjesë në një Botëror.
Trajneri i saj, Dik Advokat, do të vendosë një tjetër rekord, si trajneri më i vjetër i turneut në moshën 78-vjeçare. Së bashku me Kuraçaon, edhe Panamaja dhe Haiti siguruan pjesëmarrjen.
Gjashtë vendet e mbetura do të përcaktohen në mars në fazën “Play-Off”, ku Europa ka katër bileta dhe ku përfshihen Shqipëria e Kosova.
Dy vendet e tjera do të dalin nga takimet ndërkontinentale. Botërori 2026 zhvillohet në SHBA, Meksikë dhe Kanada.
Vendet me biletë zyrtare në Botëror:
SHBA, Kanada, Meksikë, Australi, Iran, Japoni, Jordani, Katar, Arabi Saudite, Kore e Jugut, Uzbekistan, Algjeri, Kepi i Gjelbër, Egjipt, Gana, Bregu i Fildishtë, Marok, Senegal, Afrika e Jugut, Tunizi, Argjentinë, Brazil, Kolumbi, Ekuador, Paraguai, Uruguai, Zelanda e Re, Austri, Belgjikë, Kroaci, Angli, Francë, Gjermani, Holandë, Norvegji, Portugali, Skoci, Spanjë, Zvicër, Haiti, Panama, Kuraçao.
/Cna
