Fisnik Asllani po tërheq vëmendjen e klubeve të mëdha europiane falë paraqitjeve të tij me Hoffenheim.
Sulmuesi i Kosovës u konfirmua si një talent premtues edhe në ndeshjen ndaj Sllovenisë, ku shënoi gol dhe ndihmoi kualifikimin e Kosovës në fazën play-off të Botërorit 2026.
Sipas “Sky Sports DE”, Bayerni dhe Barcelona kanë dërguar vëzhgues për ta ndjekur nga afër lojtarin. Klubi bavarez shihet më i avantazhuar, pasi ka nisur bisedimet paraprake me agjentët e tij dhe me Hoffenheim. Asllani ka një klauzolë largimi prej rreth 25 milionë eurosh që aktivizohet vetëm nëse blerësi merr pjesë në Ligën e Kampioneve.
Të dy klubet e interesuara e plotësojnë këtë kriter. Interesi për Asllanin pritet të rritet ndërsa merkato po afrohet.
