Moment drithërues në Prishtinë: Kush s’kërcen nuk është shqiptar

Stadiumi “Fadil Vokrri” në Prishtinë pret sonte finalen e madhe mes Kosovës dhe Turqisë. Megjithëse impianti ka një kapacitet prej rreth 14 mijë vendesh, kërkesat e tifozëve i kanë kaluar të gjitha parashikimet, duke kërkuar bileta të shumta, përtej kapaciteteve.

Mijëra mbështetës nga Shqipëria kanë udhëtuar drejt kryeqytetit të Kosovës për t’iu bashkuar dardanëve në këtë mision historik për një vend në Botërorin 2026.

Sheshet e qytetit janë pushtuar nga ngjyrat kuqezi dhe brohoritjet “Kush nuk kërcen nuk është shqiptar”, duke krijuar një atmosferë elektrizuese pak orë përpara sfidës.

Gjithçka është gati për 90 minutat që mund të shkruajnë faqen më të lavdishme të sportit të Kosovës.