Trajneri i Turqisë, Vincenzo Montella, ka bërë lëvizjet e fundit në listën e tij vetëm një orë përpara zbulimit të formacioneve zyrtare për sfidën kundër Kosovës.
Tekniku italian ka vendosur të dërgojë në tribunë pesë futbollistë, duke reduktuar organikën për këtë finale vendimtare në “Fadil Vokrri”.
Përveç mbrojtësit Merih Demiral, i cili nuk arriti të rikuperohej në kohë nga dëmtimi, jashtë listës kanë mbetur edhe Oguz Aydin, Muhammed Sengezer, Ahmetcan Kaplan dhe Mustafa Eskihellac.
Hakan Calhanoglu, pas një gare me kohën, do të jetë i gatshëm për lojë. Mesfushori i Interit pritet ta nisë nga stoli, me mundësinë për të marrë minuta në pjesën e dytë të takimit.
Ky vendim i Montellas tregon kujdesin për të pasur lojtarë plotësisht të gatshëm fizikisht për 90 minutat e zjarrta në Prishtinë.
