Skënderbeu u rikthye te fitorja në Kategorinë e Parë. Korçarët triumfuan 3-2 me përmbysje ndaj Apolonisë, në duelin e javës së 24-t.
Takimi nisi malore për juglindorët, që e panë veten në disavantazh shumë herët. Talenti Romarjo Sulo, i dha avantazhin fierakëve në minutën e shtatë.
Megjithatë, në minutën e 30-të, Nasr riktheu baraspeshën. Egjiptiani shënoi me kokë, pas një krosimi të marrë në zonë.
Në fundin e pjesës së parë, arbitri i anuloi një gol Beshirajt për vendasit, për pozicion jashtë loje.
Fraksioni i dytë nisi me Skënderbeun më kërkues. Në minutën e 61-të, ishte sërish Nasr, që shënoi të dytin me penallti, për të përmbysur rezultatin.
Sulmuesi vulosi fitoren e vendasve në minutën e 80-të, ku kompletoi tripletën personale për këtë takim.
Në fund, goli i Topit, kishte vetëm vlerë statistikore për miqtë. Me këtë sukses, Skënderbeu ruan vendin e parë me 51 pikë, 3 më shumë se Laçi i vendit të dytë.
Apolonia renditet në vendin e nëntë, me 24 pikë të grumbulluara.
