Teuta u rikthye te fitorja në Superiore pas 10 ndeshjesh pa sukses, duke mposhtur 2-1 Bylisin në javën e 24-t.
Miqtë kaluan në avantazh që në minutën e tretë me Markun. Reagimi i durrsakëve ishte i menjëhershëm dhe Votlai barazoi me kokë dy minuta më vonë.
Pjesa e parë u mbyll 1-1, ndërsa në të dytën vendasit morën kontrollin e lojës. Goli i fitores u shënua në minutën e 56-të nga Blerim Kotobelli me goditje dënimi.
Deri në fund rezultati mbeti i pandryshuar, pavarësisht përpjekjeve të Bylisit. Teuta ngjitet në kuotën e 30 pikëve në vendin e gjashtë, ndërsa Bylis mbetet në zonën e rrezikut me 20 pikë.
