Në mbrëmjen e sotme, në qytetin e Leskovacit, zhvillohet ndeshja ndërmjet Serbisë dhe Shqipërisë, e vlefshme për kualifikueset e Botërorit.
Autoritetet serbe kanë marrë masa të forta sigurie, me prani të shtuar të forcave policore brenda dhe jashtë stadiumit.
Presidenti Aleksandar Vuçiç është përfshirë personalisht, duke kontaktuar pronarin e hotelit ku qëndron Kombëtarja shqiptare, për të verifikuar kushtet dhe sigurinë e ekipit.
Një detaj që ka tërhequr vëmendjen është fakti se kuzhinieri i hotelit është nga Prizreni, gjë që ka krijuar një atmosferë të qetë dhe miqësore.
Ndeshja do të nisë në orën 20:45, nën masa të rrepta sigurie. Organizatorët kanë apeluar për respekt dhe sjellje sportive gjatë gjithë zhvillimit të takimit.
/Cna
