Shqipëria ka triumfuar minimalisht ndaj Serbisë në Leskovac, në duelin e vlefshëm për kualifikueset e Botërorit.
Një supergol i shënuar nga Rey Manaj, i dha fitoren e madhe kuqezinjve të Silvinjos. Sicc pritej, ishte një ndeshje shumë e luftuar, me raste të shumta, por vendosi goli i Manajt.
Sa i përket rasteve, serbët iu afruan disa herë golit me Vlahovic dhe Samardzic, por mbrojtja e Shqipërisë ishte e vendosur shumë mirë.
Me këtë sukses, Shqipëria blindon vendin e dytë dhe afrohet me “play off”. Kuqezinjtë shkojnë në kuotën e 11 pikëve, katër më shumë se Serbia e vendit të dytë.
Sfida e radhës për kuqezinjtë do të jetë miqësorja ndaj Jordanisë më 15 tetor në Tiranë, ndërsa më pas sfidon Andorrën në transfertë.
SERBI-SHQIPËRI 0-1
KOMENTI
63’– Dy zëvendësime te Serbia. Largohen Aleksander Mitrovic dhe Zivkovic, vendin e tyre e marrin Luka Jovic dhe Stefan Mitrovic.
63’- Zëvendësim te Shqipëria. Arbër Hoxha merr vendin e Armando Brojës.
62’- E pabesueshme çfarë humb Vlahovic. Sulmuesi kalon dy lojtarë, por gabon në momentin e fundit.
60’- Tjetër rrezik nga krahu i majtë me Kostic që pason në zonë, por Ajeti bën ndërhyrje vendimtare dhe largon rrezikun.
53’- Krosim i rrezikshëm i Kostic, gjuan me kokë Mitrovic, por topi shkon mbi portë.
52’- Tjetër rast i mirë për Shqipërinë. Manaj merr një top në zonë dhe bëhet gati për gjuajtje, por ia heq topin Stankovic në momentin e fundit.
50’- Tentativë e Samardzic në hyrje të zonës. Strakosha pret topin pa shumë probleme.
47’- Mundësi e shkëlqyer për Shqipërinë. Broja futet në zonë, por gabon gjithçka në momentin e fundit me pasimin.
Starton pjesa e dyte.
Mbyllet pjesa e pare.
46’- Goooooool! Shqipëria 0-1! Zhbllokohet takimi, Rey Manaj tund rrjetën e serbëve.
43’- Nuk ndalen thirrjet skandaloze të serbëve. Në stadium dëgjohen sërish thirrjet: “Kosova është Serbi”.
38’- Tentativë e Samardzic në hyrje të zonës. Ndal Strakosha edhe një herë tjetër. Goditje e lehtë nga serbi, e cila ndalet pa shumë vështirësi.
36’- Pranë golit Serbia sërish. Mitaj largon një top mbi vijën fatale dhe më pas Gjimshiti largon rrezikun. Pretendojnë për penallti vendasit, por gjithçka është e rregullt.
30’- Shpëton me fat Shqipëria. Një krosim i Kostic, shkon te Vlahovic, i cili gjuan menjëherë, por shkon ngjitur me shtyllën. Nuk e arrin dot ta devijojë as Mitrovic.
28’- Goditja e parë nga këndi për Shqipërinë. Broja tenton, por topi devijohet në këndore nga Pavlovic. Krosimi nga goditja e këndit, nuk shfrytëzohet nga lojtarët e Shqipërisë.
16’- Nuk vënë mend serbët! Në stadium dëgjohen thirrjet: “Kosova është Serbi.” Për këtë pritet dënim nga UEFA.
12’- Tentativa e parë nga Shqipëria. Krosim i Hysajt nga e djathta, provon Manaj me kokë, por topi shkon jashtë.
4’- Provon Serbia nga djathta. Ajeti bllokon rrezikun, duke larguar një top nga këmbët e Vlahovic.
2’- Shqipëria e nis ndeshjen më kërkuese. Hysaj pason për Brojën, i cili hedh topin në zonë, por largohet mbrojtja kundërshtare.
1’- Starton takimi. Luhet për fitore.
