Elbasani dhe Vllaznia do të përballen këtë të shtunë në sfidën e vlefshme për javën e dytë të Superiores.
Ndeshja është programuar të luhet në stadiumin “Elbasan Arena” duke startuar në orën 18:30. Rivaliteti mes dy klubeve ka nisur që përpara zbritjes në fushë përmes ngacmimeve në rrjetet sociale.
Klubi shkodran hapi “fajden” duke publikuar posterin zyrtar ku protagonsit ishte Emiljano Musta, ish-futbollist i Elbasanit. Ndërkohë, reagimi i verdhebluve erdhi i menjëhershëm me të njëjtën monedhë taktike.
Elbasanasit publikuan posterin e tyre me tre lojtarë shkodranë dhe ish të Vllaznisë, Rubin Hebajn, Ardit Nikajn dhe Elmando Gjinin.
Kjo përplasje virtuale ka rritur edhe më shumë ethet e kësaj përballjeje tejet të luftuar të kampionatit.
