Pritjes së gjatë dhe pasigurisë rreth zhbllokimit të merkatos së Skënderbeut po i vjen fundi.
Situata rreth klubit korçar po shkon drejt një zgjidhjeje pozitive pas një periudhe të gjatë bllokimi. Te bardhekuqtë ka mbetur vetëm një procedurë e fundit administrative për t’u mbyllur e cila pritet të zgjidhet në orët e ardhshme. Nëse gjithçka shkon sipas parashikimeve, çështja do të zgjidhet zyrtarisht brenda 24 orëve të ardhshme.
Kjo do t’u mundësonte drejtuesve kompletimin e plotë të skuadrës për përballjet e kampionatit. Në këtë mënyrë, sfida e së hënës ndaj Dinamo City-t merr një rëndësi të veçantë për korçarët.
Stafi teknik do të ketë në dispozicion të gjithë organikën dhe afrimet e reja që ishin në pritje.
