Pogradeci ka nisur përgatitjet për sezonin e ri futbollistik, prej datës 10 korrik. Në kampin liqenor kanë vetëm një objektiv, ngjitjen në elitën e futbollit shqiptar.
Nën drejtimin e trajnerit Çela dhe stafit të tij, pogradecarët, janë duke vijuar përgatitjet, teksa nuk kanë munguar edhe afrimet cilësore në këtë merkato vere.
Mësohet se liqenorët kanë planifikuar edhe 3 miqësore, ku trajneri Çela do të shikojë gjendjen e futbollistëve, ku fokusi do të jetë te ata të afruar rishtazi në merkato.
Të shtunën e 25 korrikut, Pogradeci do të përballet ndaj Besës, në stadiumin “Gjorgji Kyçyku”, prej orës 18:00. Një duel interesant ku përballë do të jenë dy skuadra pretendente në Kategorinë e Parë për këtë sezon të ri.
Testi i radhës do të jetë ai ndaj Partizanit, të premten e 31 korrikut, po në stadiumin “Gjorgji Kyçyku”, ndërsa miqësorja e radhës do të jetë në “Elbasan Arena”, ndaj skuadrës së Ivan Gvozdenoviç.
E SHTUNË 25 KORRIK:
POGRADECI-BESA ORA 18:00
E PREMTE 31 KORRIK:
POGRADECI-PARTIZANI ORA 18:00
E ENJTE 6 GUSHT:
AF ELBASANI – POGRADECI ORA 18:00
