Klubi i Orikut ka konfirmuar zyrtarisht vazhdimësinë e trajnerit Sherif Idrizaj në krye të pankinës për edicionin e ri futbollistik 2026/27, ndërsa skuadra vazhdon përgatitjet për Kategorinë e Parë.
Suksesi i arritur me shpalljen kampion në Kategorinë e Dytë ka bindur drejtuesit e klubit t’i besojnë drejtimin e mëtejshëm teknikut 48-vjeçar, i cili do të udhëheqë grupin në këtë aventurë të re.
Përmes një deklarate në rrjetet sociale, klubi uroi trajnerin për vitin e tij të katërt radhazi në krye të Orikut, duke shprehur besimin dhe mbështetjen e plotë për arritjen e objektivave të sezonit të ardhshëm.
“I urojmë trajnerit Idrizaj shumë suksese në sezonin e katërt radhazi në stolin e ekipit tonë. Vazhdojmë së bashku!”, shkruhet më tej në postimin e Orikut.
