Gian Piero Gasperini fitoi derbin e tij të parë në krye të Romës, duke mposhtur Lazion 1-0 në “Stadio Olimpico”.
Sfida e 136-të mes rivalëve të kryeqytetit ishte e luftuar dhe me shumë dyluftime, por me pak raste në fillim. Lazio u tregua më këmbëngulëse në gjysmën e parë, por Roma kaloi në avantazh në minutën e 38-të me golin e Lorenzo Pellegrinit, pas një gabimi të Tavares dhe asistit të Mateas Soule. Mesfushori shpërtheu në lot pas golit, pas vështirësive të mëdha.
Në pjesën e dytë, Roma pati mundësi të dyfishonte me Angelino, ndërsa Lazio shpërdoroi raste të arta me Boulaye Dia dhe Castellanos. Tensioni u rrit në minutat e fundit, me Reda Belahyane që u ndëshkua me karton të kuq pas një ndërhyrjeje të rëndë.
Lazio pati edhe një shtyllë me Cataldin, por nuk arriti të barazonte. Roma e mbylli ndeshjen në epërsi dhe regjistroi fitoren e tretë në katër përballjet e fundit direkte me Lazion. Në fund me të kuq u ndëshkua edhe Guendouzi në stol.
