Mesfushori Valentino Murataj pritet të zyrtarizohet së shpejti si lojtari më i ri i Partizanit, pas mbylljes së bashkëpunimit me Flamurtarin.
Edhe pse njoftimi zyrtar nga klubi mungon, rikthimi i tij në kampin e kuq është konfirmuar përmes rrjeteve sociale nga sulmuesi Tedi Cara.
Ky i fundit ka publikuar një foto me Muratajn me mbishkrimin “Is Back”, duke sinjalizuar arritjen e marrëveshjes mes palëve. Mesfushori fierak ka qenë pjesë e Partizanit gjatë periudhës 2021–2024, ku ka korrur suksese të rëndësishme.
Gjatë kësaj kohe, ai u shpall kampion i Shqipërisë në sezonin 2022/2023 dhe fitoi Superkupën një vit më vonë.
Tashmë pritet vetëm prezantimi zyrtar nga drejtuesit e klubit kryeqytetas.
