Nuk ka qetësi sa i përket trajnerëve në Superiore. Pas Tiranës, një tjetër klub pritet të ndryshojë trajnerin.
Bëhet fjalë për Flamurtarin. Humbja e fundit ndaj Egnatias, thuajse ka prerë biletën për largimin e teknikut Carlos Garcia.
Vlonjatët e nisën sezonin me pretendime të mëdha, por pas pesë javëve nuk njohin ende fitore. Me vetëm dy pikë të grumbulluara, kuqezinjtë renditen në vendin e parafundit.
Drejtuesit i kishin dhënë trajnerit Garcia ultimatumin e fundit për fitore ndaj Egnatias, por kjo nuk ndodhi.
Në këtë situatë, pritet që trajneri të shkarkohet, në rast se nuk pranon të japë dorëheqjen.
