Një imazh i Gonzalo Higuain, që e shfaqte ish-sulmuesin argjentinas me një pamje tërësisht të tjetërsuar në një dyqan në Miami, ka nxitur reagime të shumta në rrjetet sociale gjatë orëve të fundit.
Fotoja, ku ai dukej me flokë të gjatë dhe mjekër të pa kuruar, krijoi hije dyshimi mbi gjendjen e ish-yllit të Serie A, por e vërteta doli shpejt në dritë.
Pas verifikimeve, u konfirmua se imazhi ishte manipuluar përmes Inteligjencës Artificiale për të krijuar një efekt vizual mashtrues.
Personi që shpërndau foton fillestare ka publikuar tashmë versionin origjinal, ku 38-vjeçari shihet me pamjen e tij të zakonshme dhe mjaft i qeshur pranë një tifozi.
Ky incident shërben si një paralajmërim për rreziqet e manipulimit dixhital dhe shpejtësinë me të cilën përhapen lajmet e rreme në epokën e teknologjisë.
