Panik për Ferguson, dërgohet në spital para United-Liverpool

Sir Alex Ferguson është dërguar në spital pas një shqetësimi shëndetësor të shfaqur në stadiumin “Old Trafford”, pak para fillimit të ndeshjes mes Manchester United dhe Liverpool.

Ish-trajneri legjendar i “Djajve të Kuq”, tashmë 84-vjeçar, u transportua për ndihmë mjekësore rreth një orë përpara startit të sfidës si një masë paraprake.

Gjendja e tij për momentin nuk është e keqe, por stafi mjekësor ka preferuar monitorimin e tij të specializuar.

Ferguson mbetet një prani e rregullt në tribunat e stadiumit edhe pas më shumë se një dekade nga tërheqja e tij.

Sa i përket ndeshjes, Manchester Unitedt triumfoi 3-2 ndaj Liverpool, për të siguruar kualifikimin në Champions League.