Burreli fitoi në transfertën e Korabit me rezultatin 0-1. Mjaftoi goli i Erblin Kokës, për të vendosur fatet e takimit në minutën e 84-të.
Incidentet ndërkohë nuk munguan. Në minutën e 70-të pati përplasje mes stafit të Burrelit dhe tifozëve. Për këtë ishte e nevojshme edhe ndërhyrja e policisë.
Gjyqtari Enis Dishani ndërkohë i tregoi kartonin e kuq Arjan Lleshajt nga stafi i Burrelit. Të dyja skuadrat e mbyllën me nga 10 lojtarë.
Taulant Marku la ekipin e tij në minutën e 89-të, ndërsa Redinel Gjikolaj u largua në kohën shtesë.
