Probleme me dëmtimet për Kombëtaren shqiptare, para ndeshjeve të muajit mars.
Mesfusha mbetet e cunguar për shkak të mungesave të gjata të Nedim Bajramit dhe Medon Berishës, ndërsa situata është rënduar edhe në repartin defensiv.
Ardian Ismajli u detyrua të linte fushën në minutën e 20-të në humbjen e Torinos ndaj Comos, ndërsa shkalla e dëmtimit të tij mbetet ende për t’u përcaktuar.
Ndërkohë, Berat Gjimshiti u zëvendësua pas pjesës së parë në fitoren e Atalantës ndaj Parmës. Mbetet e paqartë nëse largimi i Gjimshitit erdhi si pasojë e një shqetësimi fizik apo ishte një lëvizje taktike e trajnerit për të kursyer lojtarin pas avantazhit 2-0.
